أخبار
احذر ان تكون تقرأ القرآن بهذه الطريقة … لن تأخذ أجر 😱
احذر ان تكون تقرأ القرآن بهذه الطريقة … لن تأخذ أجر 😱
بسم الله الرحمن الرحيم
السلام عليكم ورحمة الله وبركاته
▬▬▬▬▬ஜ۩۞۩ஜ▬▬▬▬
5 حاجات مهمة تاخد بالك منها و انت بتقرا قرآن
في 5 أسأله مهمين اوي بييجو في موضوع قراءة القرآن ركز معايا فيهم لان اخر واحدة من غيرها مبتاخدش اجر لو بتقرا القرآن بالطريقه دي خلينا نبدء
رقم 1 ينفع اقرا قرآن بدون وضوء ؟ ايوه ينفع تقرا القرآن من غير وضوء و من غير وضوء دي مش معناها ان انت جنب لا ده انت بس مش متوضي في الحديث اللي رواه سيدنا علي ان النبي صلى الله عليه وسلم كان يقرانا القرآن ما لم يكن جنبا يعني ينفع تقرا القرآن من غير وضوء سواء من حفظك او من اي تطبيق ف الموبايل وانت مش متوضي عادي
رقم 2
طيب ينفع المس المصحف وانا مش متوضي ؟
مش عارف انت واخد بالك من السؤال ولا لا بس قراءة القرآن حاجه و مس المصحف ده حاجه تانيه مس المصحف الورق بتاع القران مينفعش الا لو انت متوضي الا لعذر طبعا ان الوضوء صعب ان انت تتصرف وتتوضي دي حاجه تانيه بس الفكره ان طالما الوضوء متاح و هتمسك المصحف يبقي تتوضي طيب من الموبايل او من حفظي دي عادي من غير وضوء و تطبيق المصحف اللي في الموبايل مش بياخد حكم المصحف الورقي ف عادي انك تستخدم الموبايل و انت مش متوضي طيب هو ايه الدليل ان مينفعش امس المصحف إلا وانا متوضي النبي صلي الله عليه وسلم قال لا يمس القرآن الا طاهر و طاهر يعني متوضي و ده اللي عليه الجمهور
رقم3
للبنات بقا هل ينفع تقراي القرآن من غير حجاب ؟
ايوه ينفع و بما أن الكلام للبنات ف نكمل بسؤال كمان هل ينفع تقرا القرآن في فترة الحيض ؟ خلاف و الجمهور فيها علي انه مينفعش يعني انتي اجازة خلال فترة الحيض اجازة مبصليش ولا تصومي و لا تقراي قرآن و الصلاة اللي بتفوتك دي مبتصليش مكانها انها لو صيام فريضه بتقضيه و للأمانه في من العلماء اللي قال ان قراءة القرآن للحائض عادي و ان لو هتلمس المصحف يبقي بحائل بس الأولي انك تخليكي علي الرأي اللي عليه كتير من العلماء اللي هو انه بلاش قراءة خلال فترة الحيض الا بقا لو لضروره زي انك بتحفظي قرآن و خايفه تنسي و حاجات ضرورية يبقي ماشي و اقرأي من الموبايل مثلا او من لاب توب لأنها مش بتاخد حكم المصحف ف الحته بتاعت الحيض دي شائكة شوية و مليانه خلافات
رقم 4
ينفع اقرا قرآن من غير تجويد ؟ لا مش لازم تقرا بالتجويد لكن خد بالك من التشكيل عشان بس المعني ميتغيرش و التشكيل اصلا مش تجويد دا انت بس بتقرا الكلام زي ما هو طيب مانا الصراحه مش بعرف اقرا اوي و ببقا بكسر كدا وانا بقرا هو ده مش غلط ؟ لا خالص مش غلط بالعكس دا انت ليك اجرين اجر انك بتقرا اصلا و اجر انك بتكسر في القراية النبي صلى الله عليه وسلم بيقول الماهر بالقرآن مع السفرة الكرام البررة، والذي يقرأ القرآن ويتتعتع فيه وهو عليه شاق له أجران ف حتي لو القرآن صعب عليك اقرا و باذن الله الاجر مضاعف ليك و بالممارسة و التعليم لو بقيت ماهر بالقرآن هتبقي مع السفرة الكرام البررة
رقم 5
دي بقا أخطر واحده ينفع اقرا القرآن من غير ما احرك لساني ؟ مجرد بقرا بعينيا كدا و بقرا جوه قلبي لا مينفعش للاسف … لازم تحرك لسانك القراءه متتسماش قراءه غير لما تحرك لسانك قولناها قبل كدا انت لو محركتش لسانك في الفاتحه تبطل صلاتك لان كدا ميبقاش اسمك قريت الفاتحه اصلا انت عارف ان النظر ف المصحف اصلا عباده و تاخد عليها اجر
دمتم في امان الله
و السلام عليكم و رحمه الله و بركاته
⭐⭐⭐⭐⭐⭐⭐⭐⭐⭐
